Posts filed under 'މަގޭ ރިޕޯޓް'
ކުޅިވަރު މުބާރާތްތައް ބޭއްވެމުންދާއިރު
ރިޕޯޓް ހުށަހެޅުއްވީ: އަލްބާރޓް
މިދުވަސްވަރަކީ ރަށުގައި ވަރަށް ގިނަ ކުޅިވަރު މުބަރާތްތައް ބޭއްވެމުންދާ ދުވަސްވަރެކެވެ. ދެޖިންސްގެ ޒުވާނުންގެ މެދުގައިވެސް ކުޅިވަރުގެ ފޯރި އާދަޔާޚިލާފަށް ގަދަވެފައިވާ ދުވަސްވަރެކެވެ. މުބާރާތަކަށްފަހު މުބާރާތެއް އަންނަނީ ބޭއްވެމުންނެވެ. އަވަށްޓެރި ހުޅުދޫގައި ވެސް ކުޅިވަރު މުބަރާތްތައް ދަނީ ބޭއްވެމުންނެވެ. އަދި ކުރިއަށް މުބާރާތްތައް ރޭވިފައި ނުވަތަ ރާވަމުންދާ ވާހަކައިގެ އަޑުވެސް ދެރަށުގައި ނުހަނު ބާރެވެ.<އިތުރަށް ވިދާޅުވެ ޚިޔާލު ހުށަހެޅުއްވުމަށް>
August 17, 2008
އެއްމެފަހުން، އެއްމެ ބޮޑު ޚިޔާނާތުގެ ކުށްވެސް ކުރެއްވީއެވެ
އޮގަސްޓް 10، 2008: ވައިކަރަދޫލައިވް.ކޮމް
އަބުއިކަން ބޮޑު މީސްގިނަ ރީތި ދަރުބާރެކެވެ. ޚަބަރު ފަތުރާ ވަސީލަތްތަކުގެ އަމާޒު ހުރީ އެދިމާއަކަށް ހުއްޓިފައެވެ. ކަންފަތްތަކާއި ލޯތައްވަނީ އެދިމާއަށް ސީދާކުރެވިއެވެ. ނަމަވެސް މިވާންއުޅޭ ގޮތަކާއިމެދު ވިސްނަނީ ކާކުތޯއެވެ. ތައްޔާރުވަމުން މިދަނީ ކޮންކަމެއްކުރަންތޯ ބަލާ ސުވާލުކުރީ ކާކުތޯއެވެ؟ މީލާދީ ސަނަތުން ދެހާސް އަށްވަނަ އަހަރުގެ އޮގަސްޓް ހަތްވަނަ ދުވަހަކީ ދިވެހި ތާރީޚުގެ ތެރެއަށް ފޭދިގެން ދިޔަ ދުވަސްތަކުގެ ތެރެއިން “ކަޅު” ދުވަހެކެވެ. އެއީ ދިވެހި ރައްޔިތުން އެއްމެން ބަލަންތިއްބާމެ، ބޮޑުވެގެންވާ ޖަރީމާއެއް ކުޅަ ދުވަހެކެވެ. އާދެ، ނަލަ ރީތި ކޯޓެއް ތުރުކުރައްވައިގެން އިންނަވާ، ދިވެހި ޖުމްހޫރިއްޔާގެ ގާނޫނު އަސާސީ އުވާލުމުގެ “ކުށް” ރައީސުލް ޖުމްހޫރިއްޔާ ކުރެއްވިދުވަހެވެ. އިތުރަށް ވިދާޅުވޭ
Add comment August 10, 2008
ހެލްޕް ޓު އައިޝާ
އޮގަސްޓް 05، 2008: ހަސަން ޝާހިދު
މި މައުސޫމު ކުއްޖާއަށް އެހީތެރިކަމުގެ އަތެއް ފޯރުކޮށްދެއްވާށެވެ
ގުދުރަތުގެ ނިޔާ ތަގްދީރު ކުރިގޮތުން މިއަދު އައިޝާވަނީ އަޅުގަޑުމެން އެއްމެންގެ އެހީތެރިކަން ނިހާޔަތައް ބޭނުންވެފައެވެ. އެ މައުސޫމު ތުއްތު ކުއްޖާ އަޅުގަޑުމެންނާއި ދުރުގައި، އިންޑިއާގެ ޓްރެވިންޑްރަމްގެ އާރު.ސީ.ސީ ގެ ބަލި އެނދުގައި ދުވަސްތައް ގުނަމުން އެގެންދަނީ އަޅުގަޑުމެންގެ އެހީތެރިކަމަށް އެދެމުންނެވެ. އައިޝާއަކީ ހަމަ އަޅުގަޑުމެންފަދަ އިންސާނެކެވެ. ހަމަ މި މީދޫ އެދަރިއަކަށްޓަކައި ފަޚްރުވެރިވާ ދަރިއެކެވެ. ހަމަ އެކަނި ތަފާތަކީ އައިޝާއަކީ ކެންސަރާއި ހަނގުރާމަކުރަމުންދާ އުމުރުން 10 އަހަރުގެ ކުޑަ ކުއްޖަކަށް ވީކަމެވެ.
ޓްރެވިންޑްރަމްގެ ރީޖަނަލް ކެންސަރ ސެންޓަރުން އައިޝާއަށް 4 އަހަރުވަންދެން ފަރުވާ ދިނުމަށްފަހު އެސްންޓަރުން މިހާރު ލަފާދީފައިވަނީ ވެއްލޫރަށް އައިޝާ ގެންދިއުމަށެވެ. ނަމަވެސް މިކަމަށް ވަރަށްގިނަ އަދަދެއްގެ ފައިސާ ބޭނުންވާތީ މިކަމުގައި އަޅުގަޑުމެން އެއްމެންގެ އެހީތެރިކަން ބޭނުންވެއެވެ. ބަލި އެނދުގައި ދުވަސްތައް ގުނަމުން ދިޔަކަމުގައިވިޔަސް މި މައުސޫމު ކުއްޖާގެ ހިތުގައިވެސް އުއްމީދުގެ ވިންދު ޖަހާނެއެވެ. އެހެންކަމުން މިއުއްމީދު އިތުރަށް އާކޮށް ދިނުމުގެ ގޮތުން މީދޫ ވީކްލީއާއި Oº°‘¨§•Mêëðhøø¨‘°ºO ފޭސްބުކް ގްރޫޕުން މިފަށާ މަސައްކަތުގައި އައިޝާއަށް އެހީތެރިކަމުގެ އަތެއް ފޯރުކޮށްދެއްވާށެވެ. ތިޔަފަރާތުން ވެދެއްވާ އެއްމެ ރުފިޔާއަކީވެސް އައިޝާއަށް ޓަކައި ދެވޭ ދީލަތި އެހީއެކެވެ. އިންސާނިއްޔަތައްޓަކައި މިފަދަ ބަލި ކުދިންނަށް އެހީތެރިވެދިނުމަކީ އުފަލަކަށް ހަދައްވާށެވެ.
1 comment August 5, 2008
ދޮގުވެރީންގެ ލިސްޓުގެ 1 ވަނައިގާ އޮތީ މައުމޫން، ދެވަނައިގާވެސް މައުމޫނު، ތިންވަނައިގާވެސް……: ޝަހީދު ޒަކީ
ދޮގުވެރިންގެ ލިސްޓާއެކު ދޮގުގެ ލިސްޓްވެސް މިހާރު މިދަނީ ހާމަވަމުންނެވެ. އެގޮތުން ޖުމްހޫރީ ޕާޓީގެ ވަގުތީ ރައީސް ޝަހީދުޒަކީ ނޫސްވެރީންގާތު ވިދާޅުވީ އޭނާ ހެއްދެވި ދޮގެއް މައުމޫނަށް ވިދާޅުނުވެވޭ ކަމަށެވެ. އަދި މައުމޫނު އެ ހައްދަވައިގެން އުޅުއްވާ ކަހަލަ ދޮގުވެރީންގެ ލިސްޓެއް އޭނާވެސް ހައްދަވަމުންދާކަމަށް ޝަހީދު ވިދާޅުވިއެވެ. ” އަޅުގަނޑު މި ހަދަމުންދާ ދޮގުވެރީންގެ ލިސްޓުގެ 1 ވަނައިގާ އޮތީ މައުމޫން، ދެވަނައިގާވެސް މައުމޫނު، ތިންވަނައިގާވެސް……، މިހެންގޮސް ދޮގުވެރީންގެ ލިސްޓުގެ 03 ވަނައާއި ހަމައަށްވެސް އޮތީ މައުމޫން. ” މައުމޫނަށް ވަރަށް ހަރުކަށި ރައްދެއް ދެއްވަމުން ޝަހީދުޒަކީ ވިދާޅުވިއެވެ.
ދޮގު ހަދާމީހުންގެ ލިސްޓުގެ އެންމެ ކުރީގެ ވަނަތައް މައުމޫނަށް އަރުވަންޖެހުނު ބައެއް ސަބަބުވެސް ޝަހީދުޒަކީ މިއަދު ވިދާޅުދެއްވަވާފައެވެ. މިގޮތުން އޭނާ ވިދާޅުވިގޮތުގައި، 1988 ވަނަ އަހަރުގެ ނޮވެމްބަރ 3 ގެ ޢުދުވާނު ހިންގުމަށްފަހު، މާލޭ ބަނދަރުގައި އޮތް ބޯޓެއްގައި ފިލައިގެން ދިޔަ ތަމަޅައިން ރަހީނުންގެ ގޮތުގައި ގެންދިޔަ ދިވެހީންގެ ތެރެއިން އެކަކުވެސް، ދިވެހިސިފައިން ނުވަތަ އިންޑިޔާ ސިފައިންގެ ހަމަލާއެއްގައި މަރުނުވާކަމަށް މައުމޫނު ވިދާޅުވިއިރު، ރަހީނުންގެ ތެރޭގައި ހިމެނުނު ގިނަ ދިވެހީން މަރުވީ އިންޑިޔާ ސިފައިން ތަމަޅައިން ތިބި ބޯޓަށް ދިން ޙަމަލަތަކުންކަން ފަހުންވަނީ ޔަޤީން ވެފައެވެ. އަދި 1990 ވަނަ އަހަރު އެތައް މިލިއަން ޑޮލަރަކަށް ޚިޔާނާތްތެރިވެ، އެންދެރިމާގޭ އިލްޔާސް ފިލައިގެން ދިޔައީ މައުމޫނަށް ނޭނގިކަމަށް ވިދާޅުވި ވިދާޅުވުމަކީވެސް މައުމޫނު ހެއްދެވި ދޮގެއްކަމަށާ، 2003 ގެ ސެޕްޓެމްބަރ 19 ވަނަ ދުވަހު މާފުށީ ޖަލުގައި ހަވަޔަށް، ވަޔަށް، ފަޒާއަށް ބަޑިޖެހިކަމަށް މައުމޫނު ހެއްދެވި ދޮގުތަކާ، ރާއްޖޭގައި ޔުނިވަރސިޓީއެއް ޤާއިމްކޮށް ދިނުމުގެ މަސައްކަތާ ގުޅިގެންނާ، ކީރިތި ޤުރުއާނުގެ ދިވެހި ތަރުޖަމާއާއި ގުޅިގެންވެސް މައުމޫނު އެތައް ދޮގެއް ހައްދަވާފައިވާކަމަށް ޝަހީދު ފާހަގަކުރެއްވިއެވެ.
Add comment July 31, 2008
މީދޫއަށް އައިސްފައިވާ ތަރަށްގީ މާނަކުރަށްވާނީ ކިހިނެއްހެއްޔެވެ؟
2006ވަނަ އަހަރުގެ ބޯހިމެނުމުގެ ނަތީޖާގައިވާގޮތުން ސ.އަތޮޅުގައި އިގްތިޞާދީގޮތުން ހަރަކާތްތެރިވާ ފިރިހެނުން އެންމެގިނައީ މީދޫގައެވެ. އެއީ މަސައްކަތްކުރާ އުމުރުގެ 78 އިންސައްތައެވެ. މިނަތީޖާއާއި މީދޫގެ ތަރަށްގީއާ ކޮންމެވެސް ގުޅުމެއްވާނެކަން ޔަގީނެވެ. ނަމަވެސް ސުވާލަކީ މަސައްކަތްކުރާ އުމުރުގެ 78 އިންސައްތަ މީހުން ވަޒީފާ އަދާކުރާ ރަށެށްގެ ކުލަވަރު މީދޫއިން ފެނޭހެއްޔެވެ؟ މިސުވާލުގެ ޖަވާބު ކޮންމެ ގޮތަކަށްދެއްވިޔަސް އަޅުގަޑުމެންގެ މުޖުތަމައުން މިހާރު ފެންނަމުން މިދާ މަންޒަރު ތަކަކީ ތަރަށްގީ މާނަކުރުމުގައި ވިސްނާލަންޖެހޭ ކަންތައްތަކެވެ.
1 comment July 7, 2008
